Stjórnlagaráð

The Constitutional Council presented the Speaker of Althingi, Mrs. Ásta Ragnheidur Jóhannesdottir, with the bill for a new constitution in Idno on Friday 29 July.

Stjórnlagaráð, afhenti forseta Alþingis, Ástu Ragnheiði Jóhannesdóttur, frumvarp að nýrri stjórnarskrá í Iðnó í dag.

Stjórnlagaráð samþykkti samhljóða í dag aðfaraorð frumvarps að nýrri stjórnarskrá. Aðfaraorðin eru eftirfarandi:

Stjórnlagaráð samþykkti samhljóða frumvarp að nýrri stjórnarskrá á 18. ráðsfundi.

Stjórnlagaráð hefur samþykkt 8. kafla og 9 kafla í drögum að nýrri stjórnarskrá.

Stjórnlagaráð hefur samþykkt 7. kafla um sveitarfélög í drögum að nýrri stjórnarskrá.

Stjórnlagaráð hefur samþykkt 6. kafla um dómsvald í drögum að nýrri stjórnarskrá.

Stjórnlagaráð samþykkti rétt í þessu 5. kafla um ráðherra og ríkisstjórn í síðari umræðu um drög að nýrri stjórnarskrá.

Stjórnlagaráð hefur samþykkt kafla um forseta Íslands í drögum að nýrri stjórnarskrá.

Stjórnlagaráð samþykkti í dag kafla um Alþingi í drögum að nýrri stjórnarskrá. Kaflinn telur alls 39 ákvæði.

Stjórnlagaráð samþykkti rétt í þessu kafla um mannréttindi og náttúru í drögum að nýrri stjórnarskrá.

Stjórnlagaráð hefur samþykkt fyrsta kaflann um undirstöður í drögum að nýrri stjórnarskrá.

Fljótlega eftir að Stjórnlagaráð hóf störf var byrjað að gefa út fréttabréf um störf ráðsins. Þau urðu 13 talsins og hér er hægt að skoða þau í tímaröð.

Síðari umræða um drög að nýrri stjórnarskrá hefst kl. 13 í dag á 18. ráðsfundi.

Fulltrúar og starfsfólk Stjórnlagaráðs sýndu norsku þjóðinni samstöðu og samúð með mínútu þögn kl. 10 í morgun

Stjórnlagaráð lauk á 17. ráðsfundi fyrstu umræðu um drög að nýrri stjórnarskrá. Á fundinum fór fram umræða um drögin og breytingartillögur frá fulltrúum ráðsins

Stjórnlagaráð lagði fram í vikunni fyrstu drög að nýrri stjórnarskrá. Drögin telja alls 111 stjórnarskrárákvæði og eru í níu köflum. Leiðarstefin sem ráðið hefur haft í störfum sínum eru einkum þrjú: Valddreifing, gegnsæi og ábyrgð.

Fréttastofa Ríkisútvarpsins hefur ákveðið að sýna beint frá ráðsfundum Stjórnlagaráðs, á vefnum ruv.is.

Stjórnlagaráð ræðir fyrstu drög að nýrri stjórnarskrá á 17. ráðsfundi sem hefst kl. 13 á morgun.

Stjórnlagaráð hefur lagt fram fyrstu drög að nýrri stjórnarskrá á grundvelli svokallaðs áfangaskjals og hafa þau verið birt á vef ráðsins, stjornlagarad.is. Drögin sem nú liggja fyrir eru afrakstur vinnu ráðsins frá því það hóf störf 6. apríl síðastliðinn.

Þriggja manna teymi dagskrárgerðarmanna frá ríkisjónvarpi Katalóníu á Spáni hefur undanfarið fylgst með störfum Stjórnlagaráðs.

Daði Ingólfsson, félagi í Stjórnarskrárfélaginu lýsir hér mikilli ánægju með störf Stjórnlagaráðs.

Örn Bárður Jónsson, fulltrúi í A-nefnd ráðsins kynnti tillögu að aðfaraorðum stjórnarskrárinnar á 16. ráðsfundi.

Stjórnlagaráð samþykkti breytingartillögur B-nefndar á framlögðum köflum nefndarinnar á 16. ráðsfundi.

Stjórnlagaráð samþykkti breytingar í kafla um utanríkismál í áfangaskjali á 16. ráðsfundi. Nú er tekið fram í 1 .gr. að forseti komi fram fyrir hönd ríkisins sem þjóðhöfðingi í samræmi við utanríkisstefnu stjórnvalda.Ákvörðun um stuðning við aðgerðir sem fela í sér beitingu vopnavalds, aðrar en þær sem Ísland er skuldbundið af samkvæmt þjóðarétti, skuli háð samþykki Alþingis.

Þórir Baldursson tónlistarmaður hefur verið tíður gestur á fundum Stjórnlagaráðs. Hann lýsir mikilli ánægju með fundarfyrirkomulagið og gagnvirkni ráðsins. Hér má finna viðtal við Þóri.

Stjórnlagaráðs samþykkti breytingartillögur C-nefndar í kafla um kosningar til Alþingis og alþingismenn sem áður hafði verið samþykktur inn í áfangaskjal ráðsins.

Stjórnlagaráð samþykkti breytingartillögur A-nefndar á 16. ráðsfundi í dag inn í áfangaskjal ráðsins.

Allar nefndir Stjórnlagaráðs leggja fram breytingartillögur í áfangaskjal á 16. ráðsfundi sem hófst kl. 13. í dag í beinni útsendingu hér á vefnum. Fundurinn er síðasti ráðsfundur Stjórnlagaráðs sem fjallar sérstaklega um tillögur í áfangaskjal ráðsins þar sem hægt er að skoða allar framlagðar tillögur.

16. ráðsfundur Stjórnlagaráðs hefst kl. 13 á morgun og verður hann sýndur beint hér á vefnum, hann er jafnframt opinn fyrir almenning.

A-nefnd Stjórnlagaráðs hefur lagt fram mannréttindakafla í áfangaskjal sem telur alls 31 grein.

Hinar ýmsu þjóðir eru ýmist að endurskoða stjórnarskrár sínar um þessar mundir eða að skrifa nýjar stjórnarskrár.

Stjórnlagaráð samþykkti þrjár tillögur A-nefndar inn í áfangaskjal um náttúru Íslands og umhverfi á 15. ráðsfundi. Bætt hefur verið við nokkrar tillögur frá því þær voru fyrst kynntar og er til að mynda hnykkt á rétti almennings til að njóta náttúrunnar.

Stjórnlagaráð samþykkti breytingartillögu C-nefndar í dómstólakafla áfangaskjalsins um að Landsdómur verði lagður niður í núverandi mynd og verkefni hans færð til almennra dómstóla.

Stjórnlagaráð samþykkti á 15. ráðsfundi breytingartillögur C-nefndar í dómstólakafla og utanríkiskafla áfangaskjalsins um forseta Íslands.

Nefndir Stjórnlagaráðs leggja fram tillögur um náttúru Íslands og dómstóla til afgreiðslu inn í áfangaskjal á 15. ráðsfundi sem hófst í beinni útsendingu kl. 9.30 í morgun á vefnum. Þar er jafnframt hægt að nálgast allar tillögur ráðsins. Ráðið býður almenningi að gera athugasemdir við tillögurnar eða senda inn formleg erindi. Allar tillögur geta tekið breytingum þar til frumvarp að nýrri stjórnarskrá verður lagt fram í lok júlí.

15. ráðsfundur hefst í fyrramálið kl. 9.30

Fréttastofa þýska ríkissjónvarpsins, ARD, fjallar um störf Stjórnlagaráðs í kvöldfréttum annað kvöld um kl. 22.30.

Mikil umræða á sér stað hér á vefnum um tillögur Stjórnlagaráðs þar sem almenningi gefst kostur á að koma sínum ábendingum að.

Stjórnlagaráð afgreiddi tillögur C-nefndar um lýðræðislega þátttöku almennings á 14. ráðsfundi í dag.

Stjórnlagaráð afgreiddi tillögur C-nefndar Stjórnlagaráðs inn í áfangaskjal um fyrirkomulag kosninga til Alþingis á 14. ráðsfundi.

B-nefnd Stjórnlagaráðs kynnti tvo valkosti um málskotsrétt forseta Íslands í kafla um störf Alþingis á 14. ráðsfundi. Í fyrri valkostinum er núverandi 26. gr. að mestu óbreytt og forseti heldur sjálfstæðum málskotsrétti.

Stjórnlagaráð afgreiddi mannréttindakafla A-nefndar inn í áfangaskjal ráðsins á 14 ráðsfundi í hádeginu.

Allar nefndir Stjórnlagaráðs leggja fram tillögur til kynningar eða afgreiðslu inn í áfangaskjal um breytingar á stjórnarskránni á 14. ráðsfundi sem hófst kl. 9.30 í morgun

Fréttastofan Al Jazeera fjallar um störf Stjórnlagaráðs í kvöld um kl. 19.45 og ræðir við Katrínu Oddsdóttur fulltrúa í ráðinu. Hægt er að fylgjast með umfjölluninni á síðu fréttastofunnar.

Fulltrúar í Stjórnlagaráði eru vikulega í spjalli í Síðdegisútvarpi Rásar 2, Í býtinu á Bylgjunni og á Útvarpi Sögu. Reykjavík Síðdegis á Bylgjunni hefur enn fremur rætt reglulega við fulltrúa.

14. ráðsfundur Stjórnlagaráðs verður sýndur í beinni útsendingu í fyrramálið kl. 9:30. Fundurinn er opinn fyrir almenning.

Í áfangaskjali Stjórnlagaráðs er hægt að fylgjast jafnt og þétt með undirbúningi ráðsins að frumvarpi til nýrrar stjórnarskrár.

A group within the Constitutional Club, Stjórnarskrárfélagið in Icelandic, is now working on analyzing and translating the Constitutional Council's Constitutional Draft, from Icelandic into English.

Hópur á vegum Stjórnarskrárfélagsins vinnur nú að því að þýða áfangaskjal Stjórnlagaráðs á ensku á vefnum og rýna í það.

Fulltrúar í Stjórnlagaráði gerðu sér ferð á hátíðarhöldin á Hrafnseyri, fæðingarstað Jóns Sigurðssonar, 17 júní

Fareed Zakaria, er einn áhrifamesti fjölmiðlamaður í Bandaríkjunum fjallaði ítarlega um störf Stjórnlagaráðs og gagnvirkni ráðsins í þættinum What in the world á CNN síðdegis í gær.

Stjórnlagaráð afgreiddi tillögur C-nefndar um utanríkismál og lýðræðislega þátttöku almennings inn í áfangaskjal ráðsins á 13. ráðsfundi í dag.

Vikulega er rætt við fulltrúa í Stjórnlagaráði á öldum ljósvakans þar sem sagt er frá tillögum nefnda og störfum ráðsins.

Nefndir Stjórnlagaráðs leggja fram tillögur til kynningar og afgreiðslu inn í áfangaskjal ráðsins á 13. ráðsfundi sem hófst kl. 10 í morgun.

Salvör Nordal, formaður Stjórnlagaráðs, Ari Teitsson varaformaður og Vilhjálmur Þorsteinsson héldu erindi á fundi Framfarafélags Fljótsdalshéraðs í gær.

Umfjöllun erlendra miðla um Stjórnlagaráð heldur áfram en um helgina birtist frétt um störf ráðsins á einum stærsta tæknifréttamiðli í heimi, Mashable.com.

Nefndir Stjórnlagaráðs kynntu alls um 20 tillögur um breytingar á stjórnarskránni á 12. ráðsfundi.

Hildur Hjörvar, formaður ungmennaráðs UNICEF, færði Salvöru Nordal, formanni Stjórnlagaráðs, fyrsta eintak af niðurstöðum úr Stjórnlögum unga fólksins á Austurvelli í dag kl. 12.15.

Fréttaveitan Associated Press hefur birt frétt um Stjórnlagaráð sem birtist nú í fjölmiðlum víða um heim. Þar er fjallað um störf ráðsins og gagnvirkni við almenning.

Allar nefndir Stjórnlagaráðs kynna tillögur um breytingar á stjórnarskránni á 12. ráðsfundi sem hefst kl. 13 í dag.

Þóra Arnórsdóttir dagskrárgerðarkona fjallaði um störf Stjórnlagaráðs og ræddi við þær Ástrósu Gunnlaugsdóttur og Katrínu Fjeldsted í Kastljósi í gær.

Stjórnlagaráði berast að jafnaði tæplega 20 erindi í viku hverri frá almenningi og félagasamtökum um breytingar á stjórnarskránni. Erindin eru nú um 170.

Breski myndlistarmaðurinn Nikhil Nathan Kirsh ætlar að mála mynd af fulltrúum í Stjórnlagaráði og sýna verkið hinn 20. ágúst nk. í Gallerý Fold.

Nefndir Stjórnlagaráðs leggja fram tillögur um forseta Íslands, utanríkismál og trúmál á 11. ráðsfundi sem hófst kl. 10 í morgun.

Forsætisnefnd Alþingis féllst í dag á erindi Stjórnlagaráðs um að starfstími ráðsins verði framlengdur um mánuð.

Nefndir Stjórnlagaráðs kynntu alls 24 tillögur á 10. ráðsfundi. Að auki voru 7 tillögur um störf Alþingis afgreiddar inn í áfangaskjal. Allar tillögurnar eru aðgengilegar í áfangaskjali ráðsins og þar er hægt að koma með ábendingar.

A-nefnd Stjórnlagaráðs kynnir tíu greinar til viðbótar um mannréttindi á 10. ráðsfundi sem hefst kl. 13. Þeirra á meðal er grein um að náttúruauðlindir Íslands séu sameiginleg og ævarandi eign þjóðarinnar sem beri að nýta á sjálfbæran hátt til hagsbóta öllum.

Stjórnlagaráð afgreiddi níu greinar B-nefndar um störf Alþingis inn í áfangaskjal ráðsins á 9. ráðsfundi í dag. Ráðið afgreiddi enn fremur inn í áfangaskjal sjö breytingartillögur C- nefndar í dómstólakafla stjórnarskrárinnar.

Þau, Þorkell Helgason og Dögg Harðardóttir fluttu stefnuræður sínar á 9. ráðsfundi í dag.

Alls verða lagðar fram rúmlega tuttugu greinar til kynningar eða afgreiðslu inn í áfangaskjal Stjórnlagaráðs á 9. ráðsfundi í dag sem hefst kl. 13.

Almenningur og félagasamtök hafa verið virk í að senda Stjórnlagaráði erindi síðustu vikur og eru þau nú þegar orðin um hundrað.

Maïté Darnault, blaðakona frá franska blaðinu Liberation, fylgdist með störfum Stjórnlagaráðs í síðustu viku og ætlar að birta grein um ráðið í blaðinu innan skamms.

Alls taka 19 fulltrúar og starfsmenn í Stjórnlagaráði þátt í átakinu Hjólað í vinnuna.

Fyrstu tillögur í mannréttindakafla stjórnarskrárinnar voru afgreiddar inn í áfangaskjal ráðsins á 8. ráðsfundi.

B-nefnd Stjórnlagaráðs kynnir fyrstu tillögur sínar á 8. ráðsfundi sem hefst kl. 13 í dag. Þar er m.a. lagt til að ráðherrar víki af þingi, vægi þingforseta verði aukið og að Alþingi verði styrkt sem löggjafi og eftirlitsaðili gagnvart framkvæmdarvaldinu.

Almenningi gefst kostur á að gera athugasemdir við áfangaskjal Stjórnlagaráðs á vef ráðsins.

Tillögur A- og C-nefnda Stjórnlagaráðs voru afgreiddar inn í áfangaskjal ráðsins á 7. ráðsfundi.

A- og C-nefndir Stjórnlagaráðs leggja fram tillögur um breytingar á stjórnarskrá lýðveldisins á 7. ráðsfundi sem hefst kl. 13 í dag. Tillögur ráðsins geta tekið breytingum allt þar til frumvarp að nýrri stjórnarskrá verður lagt fram til samþykkis.

Vinnuvika fulltrúa í Stjórnlagaráði er þéttskipuð enda ærin verkefni fyrir höndum.

Fræðimennirnir, dr. Claes Belfrage við Queen Mary-háskóla í London og dr. David Berry við Swansea-háskóla í Wales ræða þessa viku við fulltrúa í Stjórnlagaráði um stjórnlagaumbætur.

Áhugi fjölmiðla á Stjórnlagaráði hefur vaxið jafnt og þétt eftir því sem störfum þess vindur fram

Hægt er að fylgjast með störfum Stjórnlagaráðs á helstu samfélagsmiðlum, Facebook, Youtube og Flickr, t.d. eru daglega sett inn stutt viðtöl við fulltrúa á Youtube og Facebook.

Málþingið hefst kl. 14 í fyrirlestrasal Listaháskóla Íslands Skipholti.

Formenn og varaformenn nefnda Stjórnlagaráðs sögðu frá nefndarstarfinu í vikunni á 6. ráðsfundi og nefndir A og C kynntu drög að fyrstu tillögum sínum.

Drög að fyrstu tillögum um breytingar á stjórnarskránni verða kynntar á 6. ráðsfundi í dag.

Verkefnanefndir Stjórnlagaráðs eru þrjár, A,B,C, og skiptast fulltrúar í ráðinu jafnt niður á þær. Nefndirnar hafa alls 14 þætti til umfjöllunar sem er í samræmi við þingsályktunartillögu um Stjórnlagaráð auk tillagna í skýrslu stjórnlaganefndar. Nefndunum ber að gera ráðsfundi reglulega grein fyrir framvindu starfs síns.

Margir fulltrúar í Stjórnlagaráði blogga reglulega, eða eru fastir pennar í dagblöðum.

Stjórn Stjórnlagaráðs gerði tillögu um skipan þriggja verkefnanefnda, A, B,og C, sem geri ráðsfundi reglulega grein fyrir framvindu starfs síns á 5. ráðsfundi í gær. Tillagan var samþykkt samhljóða.

Stjórnlög unga fólksins, þing ungmennaráða sveitarfélaga, fór fram í Iðnó um helgina. Markmið þingsins var að rödd barna og ungmenna fengi að heyrast við endurskoðun stjórnarskrárinnar. Á þinginu mótuðu fulltrúar ungmennaráða 16 sveitarfélaga á landinu tillögur og álit á málum sem tengjast stjórnarskránni.

Stjórnlagaráð samþykkti tillögu að fyrsta áfangaskjali sínu á fjórða ráðsfundi sem haldinn var fimmtudaginn 14. apríl. Það er í samræmi við 14. gr. starfsreglna ráðsins.

Ágúst Þór Árnason er umsjónarmaður þáttarins Stjórnarskrá að eigin vali sem er á dagskrá Rásar 1 á þriðjudögum kl. 13.

Stjórnlagaráð samþykkti samhljóða starfsreglur ráðsins á þriðja fundi sínum í dag.

Stjórnlagaráð heldur tvo ráðsfundi í þessari viku. Fyrri fundurinn verður miðvikudaginn 13. apríl og hefst kl. 9.30. Síðari fundurinn verður fimmtudaginn 14. apríl og hefst kl. 13. Dagskrá fundanna verður birt hér á vefsetrinu innan skamms. Ráðsfundir eru opnir almenningi meðan húsrúm leyfir. Þeir eru einnig sendir út beint hér á vefsetrinu.

Salvör Nordal var kjörin formaður Stjórnlagaráðs og Ari Teitsson varaformaður á öðrum fundi ráðsins sem hófst klukkan 15.00 í dag.

Stjórnlagaráð kýs sér formann og varaformann á öðrum fundi sínum sem hefst klukkan 15 í dag. Þess verður gætt að formaður og varaformaður verði hvor af sínu kyni. Fundurinn verður sendur út beint hér á vefnum og á facebook.

Stjórnlaganefnd skilaði af sér skýrslu sinni sem inniheldur m.a. tillögum um breytingar á stjórnarskránni. Hún kynnti skýrsluna fyrir fjölmiðlum eftir að hafa afhent fulltrúum Stjórnlagaráðs hana.

Stjórnlagaráð var sett í dag klukkan 14.Ómar Ragnarsson aldursforseti Stjórnlagaráðs setti fyrsta fund ráðsins.

Á setningunni afhendir Guðrún Pétursdóttir, formaður stjórnlaganefndar, Stjórnlagaráði skýrslu nefndarinnar þar sem fram koma meðal annars tillögur nefndarinnar um breytingar á stjórnarskránni.

Undirbúningsnefnd Stjórnlagaráðs hefur borist samþykki Írisar Lindar Sæmundsdóttur við boði um setu í ráðinu.

Undirbúningsnefnd stjórnlagaráðs hefur móttekið svar frá 24 af þeim 25 einstaklingum sem landskjörstjórn úthlutaði sæti í kosningu til stjórnlagaþings 27. nóvember 2010. Hafa þau öll 24 þekkst boð Alþingis um að taka sæti í stjórnlagaráði

Þingsályktunartillaga um skipun Stjórnlagaráðs var samþykkt á Alþingi í dag með 30 atkvæðum, 21 þingmaður var á móti og 7 sátu hjá. 5 þingmenn voru fjarverandi atkvæðagreiðsluna. 25 fulltrúar verða skipaðir í ráðið.

Síðari umræða um skipun stjórnlagaráðs fer fram á Alþingi í dag. Þingfundur hefst klukkan 14.00 og er málið þriðji dagskrárliður á fundinum.

Í ljósi umræðna um útgáfu og birtingu skýrslu stjórnlaganefndar skal eftirfarandi tekið fram.

Fyrri umræða um þingsályktunartillögu um skipun stjórnlagaráðs verður tekin fyrir á þingfundi í dag samkvæmt fyrirliggjandi dagskrá á vef Alþingis.

Opinn fundur Lagastofnunnar Háskóla Íslands. Miðvikudaginn 2. mars, kl. 12.15-13.15 í Lögbergi, stofu 101

Eftir að hafa vegið og metið kosti ólíkra leiða var það niðurstaða meirihluta samráðshópsins að vænlegast sé með hliðsjón af öllum aðstæðum að Alþingi komi með ákveðnari hætti inn í endurskoðunarferlið þegar á þessu stigi með skipun ráðgefandi stjórnlagaráðs með þingsályktun.

Nú liggur fyrir endanlegt fjárhagsuppgjör vegna Þjóðfundar 2010 og ljóst að endanlegur kostnaður varð um 63.5 milljónir króna sem er aðeins um 70 prósent af kostnaðaráætlun sem nam 91.7 milljónum króna.

Þann 12. febrúar verður lifandi flutningur verksins Stjórnarskrá lýðveldisins Íslands í Hafnarborg. Listamennirnir, Libia Castro og Ólafur Ólafsson unnu verkið í samstarfi við tónskáldið Karólínu Eiríksdóttur sem samdi tónverk við allar 81 grein stjórnarskrár Íslands.

Málfundur á vegum Verkfræði- og náttúruvísindasviðs HÍ um kosningu til stjórnlagaþings verður haldinn fimmtudaginn 3. febrúar kl. 12:00-13:45 í fundarsal Þjóðminjasafnsins

Lagadeild Háskóla Íslands heldur opinn fund um ógildingu kosninga til Stjórnlagaþings á morgun, þriðjudaginn 1. febrúar kl. 12-13.30 í Hátíðarsal Háskóla Íslands.

Um 230 erlendar vefsíður og fjölmiðlar hafa fjallað um ógildingu kosninga til Stjórnlagaþings. Það er þó nokkru minni áhugi erlendra fjölmiðla en þegar þeir fjölluðu um sjálfar kosningarnar til Stjórnlagaþingsins.

Mikil umfjöllun hefur verið í fjölmiðlum frá dómi Hæstaréttar í gær hér er hægt að finna slóðir á hluta þeirra.

Þorvaldur Gylfason hélt fyrirlestur í gær í Háskólanum á Bifröst sem bar heitið: Viðhorf til Stjórnlagaþings og verkefni þess. Hægt er að nálgast upptöku af fyrirlestrinum á slóðinni bifrost.is

Hæstiréttur ákvað í dag að ógilda kosningar til Stjórnlagaþings í dag. Í lokaorðum dómsins kemur eftirfarandi fram: Dæmi eru um að í réttarframkvæmd hafi kosningar verið ógiltar þegar framkvæmd þeirra hefur verið í andstöðu við lög og til þess fallin að rjúfa kosningaleynd.

Hér með tilkynnist að endurrit af ákvörðun Hæstaréttar í tilefni af kærum vegna kosninga til Stjórnlagaþings verður tilbúið til afhendingar á skrifstofu Hæstaréttar kl. 15.00 í dag.

Þorvaldur Gylfason þingfulltrúi á Stjórnlagaþingi hélt fyrirlestur um stjórnskipunarmál í Hátíðasal Háskóla Íslands í hádeginu í gær og í dag heldur hann samskonar fyrirlestur í Háskólanum á Akureyri. Þá verður hann með fyrirlestur á Bifröst 25. janúar. Í fyrirlestrinum eru reifuð rök breytingum á stjórnarskránni, sem sett var til bráðabirgða 1944, og nokkur álitamál um endurskoðun stjórnarskrárinnar. Einnig eru dregin saman sjónarmið þjóðkjörinna fulltrúa á Stjórnlagaþingi eins og þeir lýstu þeim sjálfir opinberlega fyrir kosninguna til Stjórnlagaþings 27. nóvember 2010. Hér er hægt að nálgast glærur frá fyrirlestri Þorvaldar.

Þorvaldur Gylfason prófessor, fulltrúi á Stjórnlagaþingi, sem kemur saman 15. febrúar, heldur opinberan fyrirlestur um stjórnskipunarmál í Hátíðasal Háskóla Íslands fimmtudaginn 20. janúar kl. 12-13 og svarar spurningum úr sal.

Stjórnlaganefnd hefur sett upp rafrænt gagnasafn um stjórnskipun og málefni tengd stjórnarskrá á heimasíðu Stjórnlagaþings.

Munnlegur málflutningur fór fram í Hæstarétti í dag vegna 3 kæra um Stjórnlagaþingskosningarnar.

Munnlegur málflutningur vegna þriggja kæra um Stjórnlagaþingskosningarnar verður í Hæstarétti kl. 14 á morgun 12. janúar.

Fræðslufundur fyrir þingfulltrúa á Stjórnlagaþingi er haldinn í dag 8. janúar í húsakynnum Stjórnlagaþings í Ofanleiti 2.

Málstofa 12. janúar kl. 12.15 í stofu 102 Háskólatorgi

Endurmenntun Háskóla Íslands heldur námskeið um stjórnarskrá Íslands. Námskeiðið verður haldið daganna: Mán. 31. jan., mið. 2., mán. 7. og mið. 9. feb. kl. 20:15 - 22:15 (4x). Skráningarfrestur er til 24. janúar 2011.

Nú er verið að flytja skrifstofu Stjórnlagaþings í Ofanleiti 2 (fyrrum HR).

Undirbúningsnefnd Stjórnlagaþings auglýsir eftir starfsfólki

Hefðbundnir fjölmiðlar voru ekki í aðalhlutverki við kynningu og umfjöllun um einstaka frambjóðendur í kosningunum til stjórnlagaþings í nóvember 2010.

Í fjölmiðlum og umræðum um komandi Stjórnlagaþing hefur ýmist verið rætt um starfsheitið þingfulltrúi eða þingmaður. Á það skal bent að í lögum um stjórnlagaþingið nr. 90 2010 er ávallt rætt um þingfulltrúa.

Á fundinum var farið yfir starfskjör þingfulltrúa, starfsaðstöðuna í Ofanleiti 2 (fyrirhugaður þingstaður), tækniumhverfi þingsins, starfsreglur stjórnlagaþings og málefnaskil stjórnlaganefndar og gagnasafn sem unnið er að og safnað er saman hér á vefsíðu þingsins.

Starfsreglur Stjórnlagaþings hafa verið settar skv. 28. gr. laga nr. 90 2010, um stjórnlagaþing.

Landskjörstjórn afhenti 21 þingfulltrúa stjórnlagaþings kjörbréf í Þjóðmenningarhúsinu í dag.Fjórir fá kjörbréf sín afhend á laugardag.

Yfir tíu þúsund vefsíður og fjölmiðlar fjölluðu um kosningar til Stjórnlagaþings.

Undirbúningsnefnd Stjórnlagaþings gekk frá tímabundinni ráðningu upplýsingafulltrúa og tæknistjóra stjórnlagaþings á fundi í gær. Berghildur Erla Bernharðsdóttir fjölmiðlafræðingur var ráðin upplýsingafulltrúi og Finnur Pálmi Magnússon tölvunarfræðingur var ráðinn tæknistjóri.

Fólk úr ýmsum starfsstéttum var kosið á Stjórnlagaþing hér má sjá samantekt:

Alls greiddu 83.531 atkvæði í kosningum til Stjórnlagaþings sem er 35,95% kosningaþátttaka. Um 1100 atkvæði voru ógild. Hér koma upplýsingar um hversu mörg atkvæði þingfulltrúar fengu sem fyrsta val kjósenda.

Þessir voru kosnir á Stjórnlagaþing

Landsskjörstjórn gerir kunnugt: Fundur þar sem lýst verður niðurstöðu talningar stjórnlagaþingskosninganna, sem fram fóru 27. nóvember sl. verður haldinn í anddyri Laugardalshallar í dag kl. 16.00. Fundurinn er opinn.

Landskjörstjórn kom saman til þess að telja atkvæði í kosningum til stjórnlagaþings kl 9. sl. sunnudag. Um hádegi í dag var lokið við að skanna öll atkvæði og fara yfir fyrstu athuganir á vafaatkvæðum með fulltrúum landskjörstjórnar.

Ýmsar skýringar hafa komið fram um af hverju kosningaþátttaka til Stjórnlagaþings var svo dræm. Hér má finna stutta samantekt um hvað fræðimenn, ritstjórar, stjórnmálamenn, rithöfundur og frambjóðendur hafa sagt opinberlega síðustu daga um ástæður lélegrar kjörsóknar.

Enn liggur ekki ljóst fyrir hvenær úrslit kosninganna liggja fyrir en hins vegar hefur komið fram að það megi búast við þeim í dag. Það hefur þó ekki fengist staðfest. Við tilkynnum hér og á síðunni okkar stjornlagathing.is um leið og það kemur í ljós hvenær úrslit liggja fyrir

Um þriðjungur kjósenda í Reykjavík og 31% kjósenda í Kópavogi höfðu kosið til stjórnlagaþings klukkan 21 í kvöld

Klukkan 18 voru um 24% kjósenda í Reykjavík búnir að kjósa eða alls 21.413 . Í Kópavogsbæ höfðu 23,4% kosið klukkan 18.

Kjörsókn í Reykjavík klukkan 16:00 var um 18% og í Kópavogsbæ var kjörsókn um 21% klukkan 17:00. Fólki hefur gengið mjög vel að kjósa í dag og engar biðraðir hafa myndast. Kjósendur hafa hrósað kjörstjórnum fyrir fyrirkomulagið á kjörstöðum.

Forsætisráðherra segir mjög mikilvægt að þátttaka í kosningum til Stjórnlagaþings verði góð og hvatti almenning að koma á kjörstað og taka þátt í mótun stjórnarskrárinnar.

Kjósendur sem skrifstofa Stjórnlagaþings hefur verið í sambandi við í dag hrósa kjörstjórnum í hástert fyrir fyrirkomulag á kjörstöðum. Nánast engar biðraðir hafa myndast og fólk gefur sér því góðan tíma ef þarf að halda til að kjósa.

Alls höfðu tæplega 3700 manns kosið í Reykjavík klukkan 11 í morgun. Þetta er 4,4% af heildarfjölda kjósenda þar.

Alls höfðu 1443 kosið í Reykjavík suður og norður í morgun. Klukkan 10:00 voru var kjörsókn á eftirtöldum stöðum:

Eðvarð Hermannsson húsasmíðameistari kom færandi hendi á skrifstofu Stjórnlagaþings og gaf forláta fundarhamar sem hann smíðaði

Mikil og góð kjörsókn var utankjörfundar í morgun en alls kusu um 700 manns í Laugardagshöll og kjörstað lokaði kl. 12 voru enn þó nokkrar biðraðir.

Skrifstofa Stjórnlagaþings ætlar að fylgjast náið með kjördeginum á morgun. Við verðum með stöðugar fréttir af kjörsókn, viðtöl við kjósendur og kjörstjórnir o.fl. Fylgist með hér á vefnum.

Yfir tvöþúsund manns kusu utan kjörfundar í Laugardalshöll í gær en þá hafa samtals 6308 kosið á höfuðborgarsvæðinu.

Ef fram heldur sem horfir má búast við góðri kjörsókn í heild fyrir kosningar til stjórnlagaþingsins.

,,Það var hlutskipti mitt að vera boðið að taka þátt í Þjóðfundi 2010. Þetta er mér þakkarefni ekki síst fyrir það hversu vel og skipulega hann fór fram í alla staði. Til gamans get ég ekki neitað mér um að geta þess að langafi minn, Ásgeir Einarsson, alþingismaður og stórbóndi á Þingeyrum í Húnavatnssýslu sat Þjóðfundinn sumarið 1851."

Stjórnarskrárfélagið tileinkar síðasta fundi fyrir stjórnlagaþingskosningar umræðuefninu ,,forsetinn og framkvæmdavaldið".

Hvatningarhópurinn hafnar því einfaldlega að þessar kosningar valdi kjósendum meiri vanda en venjulegar kosningar.

Röð frambjóðenda skiptir öllu máli. Raðaðu þeim 25 sem þú vilt helst að komist á þingið þannig að sá sem þú vilt allra helst að komist inn sé efst, númer tvö sé sá sem þú vilt næst helst að komist inn og svo koll af kolli.

Hópur frambjóðenda til Stjórnlagaþings hefur tekið sig saman og skipað sér talsmann til að koma fram fyrir þeirra hönd í fjölmiðlum. Tilgangurinn er að hvetja kjósendur til að kjósa til Stjórnlagaþings laugardaginn 27. nóvember.

Viðtöl við frambjóðendur til Stjórnlagaþings hefjast klukkan 19 í kvöld á Rás 1. Alls verða á fimmta tug þátta fluttir á Rás 1 í þessari viku. Þættirnir verða nokkurra nokkurra klukkustunda langir með 10-12 frambjóðendum á hverjum klukkutíma. Tveir til þrír þættir verða sendir út á dag. Viðtölin fóru fram um helgina og í morgun.

Dreifingu á kynningarblaði frambjóðenda og kosningum til stjórnlagaþings er nú lokið. Hins vegar er hægt að hafa samband við Íslandspóst í gegnum þjónustuverið, sími 580-1200.

Upplýsingar um utankjörfundaratkvæðagreiðslu er að finna á kosning.is og á vef utanríkisráðuneytisins

RÚV hefur ákveðið að bjóða hverjum og einum frambjóðanda til Stjórnlagaþings að kynna sig og sín málefni.

Fréttastofa RÚV verður daglega með umfjöllun um kosningar til Stjórnlagaþings til 27. nóv. og á sunnudagskvöld verður Fréttastofa sjónvarps með fréttaskýringu um þær. Kastljós er að hefja umfjöllun um kosningarnar og 25. nóv. verður 70 mínútna þáttur um þær.

Á Íslandi skal vera virkt og gagnsætt lýðræði. Vægi atkvæða verði jafnt í einu kjördæmi, kosningar með persónukjöri, þingseta þingmanna háð tímatakmörkunum og þeim fækkað. Lýðræðið byggi á þrískiptingu valds og skýrum lögum um þjóðaratkvæðagreiðslu um mikilvæg málefni. Skipan dómara skal endurskoðuð. Kjósendur með jafnan atkvæðisrétt geti einir breytt stjórnarskrá

Frambjóðendur til Stjórnlagaþings eru minntir á vef ríkisendurskoðunnar að þeim ber lögum samkvæmt að skila stofnuninni upplýsingum um tekjur og kostnað vegna kosningabaráttu sinnar.

Öllum þátttakendum Þjóðfundar 2010 var í fundarlok boðið að koma á framfæri ábendingum til Stjórnlagaþings, Alþingis, fjölmiðla eða annarra. Flestir nýttu sér þetta og margir komu með tvær eða fleiri ábendingar, en samtals urðu þær 2759.

Gengið hefur verið frá leigu á húsnæði undir komandi Stjórnlagaþing. Húsnæðið er í Ofanleiti 2 (fyrrum húsnæði Háskólans í Reykjavík).

Ísland sé sjálfstætt og fullvalda ríki sem leggi áherslu á samvinnu við aðrar þjóðir, sérstaklega á norðurslóðum. Ísland sé málsvari friðar og taki þátt í alþjóðasamstarfi í þeim tilgangi. Öryggi landsins skal tryggt. Ísland taki virkan þátt í samstarfi um náttúruvernd, sjálfbæra nýtingu auðlinda, vernd mannréttinda og þróunar- og hjálparstarfi. Ísland sé herlaust og kjarnorkuvopnalaust.

Samkvæmt upplýsingum frá laugardalshöll kusu 128 manns utankjörfundar í síðustu viku og flestir komu undirbúnir. Fólk sem undirbýr sig er um 5-10 mínútur að kjósa en aðrir eru hátt í 15 mínútur. Kosningaþátttakan er sambærileg og fyrir aðrar kosningar en í þessari viku er búist við að hún fari að aukast.

Tryggja þarf þrígreiningu valds þar sem hlutverk og ábyrgð ráðamanna séu skýr. Ráðherrar skulu ekki gegna þingmennsku ásamt ráðherraembætti. Stjórnarskráin ætti að tryggja gagnsæi og eftirlit með stjórnsýslu. Fagmennska ráði för við ráðningar í störf í stjórnsýslunni. Endurskoða þarf vald forseta Íslands og taka afstöðu til neitunarvalds hans. Takmarka ætti þann tíma sem alþingismenn mega sitja á þingi. Tryggja þarf sjálfstæði dómstóla.

Hægt er að nálgast kynningu á öllum frambjóðendum til Stjórnlagaþings á vefnum kosning.is og þar er einnig hægt að notast við hjálparkjörseðil. DV hefur einnig komið sér upp stjórnlagaþingsvef þar sem m.a. er hægt skoða svör frambjóðenda við spurningum sem fjölmiðillinn hefur lagt fyrir þá. Á svipan.is er einnig hægt að nálgast upplýsingar um frambjóðendur til stjórnlagaþings. Að auki geta frambjóðendur sett inn slóðir á heima-eða fésbókarsíður sínar á facebook.com/stjornlagathing.

Kosning utan kjörfundar til Stjórnlagaþings hófst klukkan 10 í gærmorgun. Alls kusu 35 manns í gær í Laugardalshöll sem er, samkvæmt upplýsingum frá kosningarstjórn, sambærilegt og gerist í öðrum utankjörfundaratkvæðagreiðslum. Fólk er 5 til 10 mínútur að kjósa allt eftir því hversu vel undirbúið það er.

Náttúra og auðlindir landsins eru óframseljanleg þjóðareign sem ber að vernda, umgangast og nýta á sjálfbæran hátt þannig að aðgengi almennings sé tryggt. Setja þarf skýr lög um eigna- og nýtingarétt þjóðarinnar á auðlindum, náttúru og lífríki. Náttúru Íslands og auðlindir ber að vernda fyrir komandi kynslóðir.

Tryggja skal öllum landsmönnum mannsæmandi lífskjör óháð kyni, kynþætti, aldri, búsetu, vinnu, þjóðerni, trúarskoðun, efnahag, fötlun, kynhneigð eða skoðunum. Allir skulu hafa jafnan rétt til framfærslu, menntunar, heilbrigðisþjónstu og félagsþjónustu. Lífeyrisréttindi skulu öllum tryggð. Vægi atkvæða skal vera jafnt og refsilög skýr.

Utankjörfundaratkvæðagreiðsla til stjórnlagaþings hófst í morgun kl 10 í Laugardalshöll og hjá sýslumönnum um land allt.

Grein sem birtist eftir Ingrid Kuhlman í Morgunblaðinu um Þjóðfundinn 2010

Hér má sjá sundurliðun á kostnaðaráætlun sem gerð var fyrir Þjóðfundinn 2010 en heildarupphæðin kemur fram í frumvarpi til fjáraukalaga fyrir 2010

Næstu daga verða birtar hér samantektir á þeim setningum og gildum sem þátttákendur á Þjóðfundi komu sér saman um

Tilkynning frá Sýslumanninum í Reykjavík

Stjórnarskrárfélagið stendur fyrir þriðja málþinginu í Skálholti um endurskoðun stjórnarskrárinnar laugardaginn 13. nóvember næstkomandi frá kl. 10-17. Að þessu sinni verður umfjöllunarefnið þau grunngildi sem stjórnarskráin á að byggja á.

Helstu niðurstöður Þjóðfundar 2010 hafa verið þýddar yfir á ensku

Eitt af því sem kom fram hjá þátttakendum á Þjóðfundi 2010 var að fjölmiðlar yrðu jákvæðir í garð fundarins og gerðu hinum góð skil. Það er óhætt að segja að fjölmiðlar hafi orðið við þessari kröfu því frá 6. nóvember þegar Þjóðfundur fór fram og til sunnudagsins 7. nóvember voru sagðar eða skrifaðar um 70 fréttir eða umfjallanir um fundinn.

Umfram matur og ávextir frá Þjóðfundi fóru ekki til spillis eftir fundinn heldur nýttust vel á kafffistofu Samhjálpar.

Allar helstu niðurstöður Þjóðfundar 2010 komnar fram sólahring eftir að fundinum lauk.

Nú fer að hefjast blaðamannafundur á Grand hótel um niðurstöður Þjóðfundar 2010.

Í fundarlok voru þátttakendur allir inntir álits á framkvæmd og áhrifum fundarins. 93% þeirra telja að niðurstöður fundarins muni gagnast stjórnlagaþingi við vinnu þess að nýrri stjórnarskrá

Þær 24 setningar sem voru lesnar upp á Þjóðfundi eru nú sýnilegar hér á síðunni.

http://twitter.com/icelandassembly http://www.facebook.com/Stjornlagathing flickr.com

Ingibjörg Tönsberg er elsta konan á Þjóðfundi 2010 en hún er 89 ára hún situr á borði með yngsta karlmanninum sem heitir Andri Kristimundsson sem er 18 ára.

Gildin í orðaskýinu má í grófum dráttum flokka með eftirfarandi hætti en þetta eru þeir þættir sem þátttakendur telja að stjórnarskráin eigi að fjalla um.

Í morgunn ræddu þjóðfundargestir þau gildi sem þeir vilja leggja til grundvallar nýrri stjórnarskrá. Afurðin er hér í ,,orðaskýinu“.

Þjóðfundur er hafinn í Laugardalshöllinni þar sem þátttakendur af landinu öllu eru mættir til að tjá hugmyndir sínar og skoðanir um stjórnskipan landsins og stjórnarskrá. Áhugi er mikill og voru margir mættir löngu áður en húsið opnaði í morgun.

Hægt verður að nálgast beina útsendingu frá Þjóðfundi 2010 hér á þessari síðu á morgun. Það munum við skrifa fréttir frá fundinum jafnt og þétt yfir daginn hér og á fésbókinni okkar facebook.com/stjornlagathing.

Nokkur atriði sem þú þarft að hafa í huga fyrir morgundaginn:

Nú byrjum við að telja niður þar til Þjóðfundur 2010 hefst.

,,Það verður einhver að vinna skítverkin," segir, Ingibjörg Tönsberg, elsti þátttakandi á Þjóðfundi um stjórnarskrá Íslands í Fréttablaðinu í dag.

Sjöundi og síðasti rennslisfundurinn fyrir lóðsa eða borðstjóra var haldinn í Borgartúni 24 í kvöld. Yfir 30 manns komu í þjálfun í kvöld og og þegar fylgst var með hópnum kom greinilega í ljós að gríðarlega kraftmikið fólk hefur valist til þessa verkefnis. Fólk er virkilega jákvætt fyrir Þjóðfundinum og mikil eftirvænting ríkir í hópnum. Alls hafa 128 lóðsar þá farið í gegnum þjálfunarferli hjá Gunnari Jónatansssyni YFIRLÓÐS.

Dómsmálaráðuneytið var rétt í þessu að setja í loftið vef um frambjóðendur til stjórnlagaþings.

Lóðsar eru nú að hringja í þátttakendur til að lýsa tilhögun fundarins. Það er mikil og góð stemning í fólki og þó að því sé alls ekki skylt að undirbúa sig eru margir búnir að lesa stjórnarskrána. Einn þátttakandi sem haft var samband við sagðist vera búin að lesa ÞJÓÐSKRÁNA aftur á bak og áfram og þegar hann áttaði sig á missögninni sagðist hann líka vera búin að lesa símaskrána :)

Nú eru aðeins þrír dagar í Þjóðfund 2010 um stjórnarskrá lýðveldisins Íslands. Fundurinn verður haldinn næstkomandi laugardag þann 6. nóvember. Hér eru nokkrar hagnýtar upplýsingar fyrir þjóðfundarþátttakendur.

Áhugaverður og fræðandi fundur um þjóðaratkvæðagreiðslur og þjóðarfrumkvæði verður haldinn föstudaginn 5. nóvember frá 12.15 til 13.30 í fundarsal Þjóðminjasafnsins. Tveir evrópskir fyrirlesarar fjalla um þjóðaratkvæðagreiðslur og reynslu af beitingu þeirra meðal Evrópuríkja.

Frambjóðendur koma úr öllum starfsstéttum, en fjölmennasti hópurinn er í námi eða 45 frambjóðendur og næst fjölmennasti hópurinn stundar kennslu eða 44 og þar af eru 7 prófessorar. 32 framkvæmdastjórar eða forstjórar bjóða sig fram, 28 lögmenn/lögfræðingar, 16 viðskipta-eða hagfræðingar, 15 verkefnastjórar, 13 ráðgjafar, 12 blaða-eða fjölmiðlamenn, 11 verkfræðingar, 10 arkitektar, 10 læknar, 10 stjórnmálafræðingar, 6 bændur, 3 prestar og 5 skrá sig atvinnulausa.

Listi frambjóðenda til stjórnlagaþings er nú komin fram. Þar er hægt að sjá nafn, auðkennistölu, stöðuheiti og sveitarfélag.

Okkur vantar samhentan hóp, 30-40 manns, 18 ára og eldri, til margvíslegra þjónustustarfa við uppsetningu Þjóðfundar, föstudaginn 5. nóv. á bilinu kl. 18:00-23:00 og laugardaginn 6. nóv. kl. 07:00-22:00 í Laugardalshöllinni.Vinsamlegast sendið okkur lýsingu á hópnum ykkar og tilboð í verkið á netfangið:skrifstofa@stjornlagathing.is fyrir kl. 18:00 föstudaginn 29. okt.

Ráðstefnan Þjóðarspegillinn verður haldin á morgun föstudaginn 29. október í Háskóla Íslands. Ein málstofa verður sérstaklega tileinkuð íslenskri stjórnskipan en þar munu prófessorar innan HÍ fjalla um stöðu forseta, valddreifingu í íslenskri stjórnskipun og um sjálfstæði ráðherra. Málþingin hefst kl. 11.00 og stendur til 12.50.

Næstu kvöld verða haldnir alls sjö æfingafundir fyrir 128 lóðsa/borðstjóra á Þjóðfundi 2010. Tveir fundir hafa nú þegar verið haldnir í Borgatúni 24 húsakynnum skrifstofu stjórnlagaþings.

Stjórnarskrárfélagið efnir til opins fundar undir yfirskriftinni ,,Stjórnarskrá fólksins" annað kvöld, miðvikudaginn kl. 20.30 í sal FÍH, Rauðagerði 27.

Landskjörstjórn bárust alls 526 gild framboð til Stjórnlagaþings. Á fundi landskjörstjórnar í dag lá jafnframt fyrir að þrír einstaklingar höfðu afturkallað framboð sín.

Á norska vefnum abcnyheter.no er að finna grein um fyrirhugaðar endurbætur á stjórnarskránni.

Ráðstefnan Þjóðarspegillinn verður haldin föstudaginn 29. október í Háskóla Íslands. Ein málstofa verður sérstaklega tileinkuð íslenskri stjórnskipan en þar munu prófessorar innan HÍ fjalla um stöðu forseta, valddreifingu í íslenskri stjórnskipun og um sjálfstæði ráðherra. Málþingin hefst kl. 11.00 og stendur til 12.50.

Sjöundi og síðasti borgarafundur stjórnlaganefndar um endurskoðun stjórnarskrárinnar var haldinn í Súlnasal hótel Sögu í gær. Fundurinn var sendur út beint og fylgdist hópur fólks með honum á stjornlagathing.is.

Sjöundi og síðasti borgarafundurinn um endurskoðun stjórnarskrárinnar verður haldinn í Súlnasal hótel Sögu í dag klukkan 17:30.

Stjórnlaganefnd og EYÞING halda borgarafund í Menningarhúsinu Hofi miðvikudaginn 20. október frá klukkan 20-22.

Borgarafundur verður haldinn í félagsheimilinu Hvoli á Hvolsvelli klukkan 17 í dag.

Guðrún Pétursdóttir formaður stjórnlaganefndar verður í viðtali á Bylgjunni um fyrirhugað stjórnlagaþing og Þjóðfund nú klukkan 16:20. Þá verður rætt við hana í Kastljósinu í kvöld.

Fólk tók vel við sér á lokaspretti framboðsfrests til Stjórnlagaþings en alls skiluðu rúmlega þrjúhundruð frambjóðendur inn umsóknum í morgun.

Ef það gengur hægt að senda inn framboðsgögn á síðuna kosning.is er hægt að senda gögnin á postur@kosning.is.

Þúsundasti þátttakandinn staðfesti komu sína á Þjóðfund um stjórnarskrá Íslands kl.15:30 í dag. Þar með er fundurinn fullmannaður en vonast er til þess að ekki verði mikið um forföll. Þjóðfundurinn verður haldinn laugardaginn 6. nóvember n.k. í Laugardalshöllinni í Reykjavík. Þátttakendur voru valdir af handahófi úr þjóðskrá þar sem gætt var að eðlilegri skiptingu þeirra eftir búsetu og kyni. Á næstu dögum munu allir þátttakendur fá sent bréf ásamt stjórnarskrá lýðveldisins.

Fréttir á táknmáli um kosningar til stjórnlagaþings er að finna á kosningavef dómsmála- og mannréttindaráðuneytisins.

Tugir hafa tilkynnt um framboð til stjórnlagaþings en framboðsfrestur rennur út 18. október næstkomandi. Við hvetjum frambjóðendur til að setja inn stutta kynningu á facebooksíðunni okkar. Þá er búið að stofna wikipediasíðu með nöfnum frambjóðenda

Á vefsíðu Þjóðfundar 2010 og Stjórnlagaþings er stöðugt verið að bæta við efni er tengist stjórnarskrármálefnum undir hlekknum Fræðsluefni.

Borgarafundur um endurskoðun stjórnarskrárinnar verður haldinn í Háskólanum á Bifröst í dag klukkan 13.00. Hægt verður að fylgjast með honum á bifrost.is

Femínistafélagið efnir til umræðna um stjórnlagaþing í kvöld í Friðarhúsi að Njálsgötu 87 milli 20 og 22 og er öllum opið.

Stjórnlaganefnd heldur borgarafund á Sauðárkróki í fjölbrautarskólanum bóknámshúsi kl. 17:00 í dag.

Fyrirlesturinn er í Þjóðminjasafni Íslands og hefst kl. 12.05. Aðgangur er ókeypis og öllum opinn.

Þeir sem hyggjast bjóða sig fram til Stjórnlagaþings og eru ekki farnir að gera neitt í málinu þurfa að fara að bretta upp ermarnar því aðeins ein vika er þar til framboðsfrestur rennur út.

Kynntu þér æðstu lög landsins á örnámskeiði Opna háskólans í HR um Stjórnarskrá lýðveldisins.Kennsla fer fram föstudaginn 15. október 2010 kl. 9:00-10:30 í Háskólanum í Reykjavík, Menntavegi 1.

Athygli vakti að á fundinum sem 30 manns sóttu voru nokkrir að safna meðmælendum vegna framboðs til stjórnlagaþings en framboðsfrestur rennur út þann 18. október n.k..

Egill Jóhannsson og Anna Helgadóttir eru meðal þeirra sem tóku þátt í grasrótarhreyfingunni Lýðveldisbyltingin sem var stofnuð í janúar 2009. Þau gáfu stjórnlagaþingi lénið www.stjornlagathing.is

Undirbúningsnefnd stjórnlagaþings ákvað í samráði við stjórnlaganefnd að leita eftir hugmyndum að yfirskrift fyrir Stjórnlagaþingið 2011 og Þjóðfundinn 2010. Ákveðið var að leita til Hugmyndahúss háskólanna um tillögur að yfirskrift.

Stjórnlaganefnd og Fjórðungssamband Vestfjarða héldu í gærkvöld vel heppnaðan borgarafund um endurskoðun stjórnarskrárinnar samtímis á Ísafirði og á Patreksfirði með aðstoð fjarfundarbúnaðar.

Vestfirðingar eru hvattir til að mæta á borgararfund um endurskoðun stjórnarskrárinnar í kvöld sem haldinn er í í Háskólasetri Vestfjarða og með aðstoð fjarfundarbúnaðar í Skor, Þróunarsetri Patreksfjarðar í kvöld frá klukkan 19:30-21:00.

Stjórnlaganefnd og landshlutasamtök sveitarfélaga ætla á næstu vikum að halda borgarafundi um endurskoðun stjórnarskrárinnar á sjö stöðum á landinu.

Formaður stjórnlaganefndar ætlar í kvöld kl. 20:30 að halda kynningarerindi hjá Samfylkingarfélaginu í Reykjavík um fyrirhugaða endurskoðun stjórnarskrárinnar.

Fulltrúar UNICEF á Íslandi vilja vekja athygli á að við undirbúning Þjóðfundar og stjórnlag þyrfti að muna eftir börnunum í samfélaginu.

Hádegisfundur Sagnfræðingafélags Íslands á Þjóðminjasafninu í dag frá kl 12.05-13:00. Aðgangur ókeypis.

Nú er hægt að nálgast allar upplýsingar um kosningar til Stjórnlagaþings á kosning.is og landskjor.is. Þeir sem fyrirhuga að bjóða sig fram til stjórnlagaþings geta nálgast eyðublöð á þessum heimasíðum en framboðsfrestur rennur út þann 18. október

Á laugardaginn verður haldinn æfingafundur fyrir Þjóðfund 2010. Verið er að leita að sjálfboðaliðum til að taka þátt í honum.

Á annað þúsund manns hafa skráð þátttöku sína á Þjóðfund um stjórnarskrá Íslands.

Þeir sem fengu boðsbréf hafa frest til 20. september til að skrá sig hér á þessari síðu, eftir það verður haft samband við fólk.

Þingmenn stjórnarflokkanna í allsherjarnefnd Alþingis hafa lagt fram frumvarp þar sem kveðið er á um ýmsar breytingar á lögum um Stjórnlagaþing, sem samþykkt voru í sumar.

,,Mér finnst heiður að vera ein af þúsund handahófsútvöldum. Mér finnst það mjög merkilegt, ég vinn t.d. aldrei í happdrætti eða neitt svona."

Guðrún Pétursdóttir formaður stjórnlaganefndar var í viðtali í Síðdegisútvarpi Rásar 2 þriðjudaginn 7. september 2010. Þar fjallaði hún m.a. um framkvæmd Þjóðfundar 2010 og stjórnlagaþing. Hlustið á viðtalið við Guðrúnu Hún ræddi við þátttastjórnendur upp úr klukkan 17.

Fimm þúsund Íslendingum hefur verið sent boðsbréf á Þjóðfund 2010. Þeir voru valdir af handahófi úr þjóðskrá með svokölluðu slembiúrtaki. Lögin gera ráð fyrir að í Þjóðfundi taki þátt um 1000 manns. Til að tryggja að þúsund manns mæti á sjálfan Þjóðfundinn voru 4000 til viðbótar kallaðir til og skráðir sem varamenn. Varamenn verða kvaddir til fundar verði forföll hjá aðalfulltrúum. Þetta er gert til að tryggja að sem flest sæti verði skipuð á Þjóðfundi.