Stjórnlagaráð

Vegna ákvæðis um styrki til framboða

Góðan daginn

Ég vil byrja á að þakka fyrir góða vinnu ráðsins og vonandi fær þjóðin að kjósa um skjalið eins og það kemur frá ykkur. Ég hefði viljað sjá ákveðnari ákvæði um nýtingu á vatns- og orkuauðlindum. Erfitt er að segja upp nýtingarsamningi ef einkaaðili á virkjanir, en ég veit að erfitt er að ná samstöðu um slíkt. Ákvæðið sem er inni er vissulega betra en ekkert.

Varðandi ákvæði um styrki til frambjóðenda er það vissulega til bóta en ég hefði viljað sjá bann við keyptum auglýsingum og þess í stað verði fjölmiðlar styrktir í aðdraganda kosninga til að sinna kynningu á frambjóðendum og framboðum og gert að gefa öllum jöfn tækifæri. Fjármagn í kosningabaráttu er að mínu mati einn helsti óvinur lýðræðisins. Í staðinn yrði dregið úr fjárframlögum til stjórnmálaflokka. Ég veit ekki alveg hvernig slíkt ákvæði gæti verið í stjórnarskránni, hugsanlega „að tryggja þurfi að möguleikar frambjóðenda til kjörs stýrist ekki af efnahag hans eða tengslum við fjársterka aðila, heldur atgervi og beri að tryggja það með lögum.

Gangi ykkur vel

Kveðja, Elín Erna Steinarsdóttir