Þingmenn og forseti

Baldvin Elíasson
  • Heimilisfang: Krosshamrar 9
  • Skráð: 14.07.2011 20:13

Sælir stjórnlagaráðsmenn.

Er nokkuð sáttur við það sem komið er, en nú vantar endahnútinn (sem þingmenn verða ekki ánægðir með).
Tillaga:
Þingmönnum verði fækkað enn frekar (ráðherrar ekki með) svo ábyrgð aukist. Vil mæla með 43 þingmönnum í tveimur deildum. 1/3 þingmanna virðist vera inni á þingi í tilgangsleysi og doða. Þingmenn virðast ekki endurspegla vilja almennings eins og dæmin sanna undanfarin ár og stjórnmálastéttin lömuð af hræðslu við peningavaldið.

Forseti landsins (sem er kosinn af þjóðinni sjálfri) haldi sínum áherslum og skoðunum sem þjóðin er samþykk með varaforseta sér til halds, sem lúti áherslum forsetans þó hann sé staddur erlendis. Ekki er sæmandi að framkvæmdar- og dómsvald sé í stöðu til að raska hlutföllum og koma með áherslur sínar gegn almenningi, sem kaus aðeins forseta landsins, en ekki „handhafa“.

Til vara:
Dæmin sanna að þingmenn margir hafa ekki stundað almenn störf á vinnumarkaði og skilja ekki stöðu almennings, sem er ekki í skjóli ríkisstyrktra samtaka. Vil ég mælast til að skilyrði þingmannssetu sé þátttaka í atvinnulífi landsmanna í 5 ár og jafnvel greindarpróf gert að skilyrði fyrir þátttöku í þingstörfum. Þingmenn verða að geta sinnt bæði löggjöf og góðum skilningi almennt á stöðu almennings, sem kaus viðkomandi til að sinna hag sínum og landsins í heild, í þess stað.

Virðingarfyllst,

Baldvin Elíasson

Ummæli

Störf Stjórnlagaráðs fara fram fyrir opnum tjöldum og við bjóðum öllum sem fylgja samskiptasáttmálanum að setja inn ummæli á vefinn.

Markmið umræðukerfisins er að bjóða upp á málefnalega og uppbyggjandi umræðu. Ærumeiðandi og óvægin ummæli í garð einstaklinga og þrálátar rangfærslur verða fjarlægð.

Samskiptasáttmáli Stjórnlagaráðs
  1. Við fögnum uppbyggilegri rökræðu en líðum ekki persónulegar árásir né misnotkun á umræðukerfinu.
  2. Við hvetjum til gagnrýnnar og upplýsandi umræðu forðumst gífuryrði og leggjum ekki öðrum orð í munn.
  3. Við notum einföld en skýr skilaboð og virðum skoðanir annarra.
  4. Allar athugasemdir sem endurspegla fordóma í garð einstaklings eða hópa verða fjarlægðar.
  5. Við áskiljum okkur rétt til að loka á notendur eftir tvær viðvaranir og þriðja brot á þessum sáttmála.

Þessi vefur er sameign okkar sem höfum áhuga á umræðu um málefni stjórnarskrár Íslands. Það er nýmæli að bjóða upp á opna umræðu af þessu tagi við mótun opinberra skjala og við vonumst til að þessi vefur verði skref í rétta átt í þróun umræðuhefðar á netinu.

Vinsamlega tilkynnið brot á sáttamálanum til umraeda@stjornlagarad.is.