Stjórnlagaráð

Um hugtakið LÍFSGÆÐI og nútíma notkun þess:

Ég legg til að hugtakið lífsgæði verði tekið upp í nýrri stjórnarskrá Íslands sem er í undirbúningi. Í nýlegum íslenskum lögum er fjöldinn allur af ákvæðum til þess að tryggja lífsgæði manna. Þessi lög setur okkur fjöldann allan af viðmiðum til að tryggja okkur fullkomnara líf. Sú hugsun sem alls staðar skín í gegn er að viðkomandi ákvæði eiga að tryggja okkur betra líf.

Nægir þar að nefna. (löng upptalning af lögum sem öll hafa þetta göfuga markmið)

Notkun orðsins LÍFSGÆÐI hefur breiðst út og þá í þeim tilgangi að lýsa væntingum og þeim staðreyndum sem áðurnefnd tilvitnun í lög og reglur eiga færa okkur.

Brot á þeim leikreglum sem settar eru með lögum og varða lífsgæði fólks, mengun hvers konar, eyðilegging náttúru- og menningarminja svo og íhlutunarrétturinn til þess að hafa áhrif á og móta umhverfið telst vera árás á lífsgæði nútímamannsins.

Hugtakið lífsgæði á heima sem varnaréttur í stjórnarskránni við hliðina á ákvæði eins og eignarréttinum sem við verjumst með þegar ráðist er á lögvarinn eignarrétt.

Lífsgæði eru lögvarin með ótal ákvæðum óskyldra laga sem öll eru sett með það að leiðarljósi að bæta lífsskilyrði manna.

Samþykktir frá Landvernd sem hafa verið gerðar kunnar og eru að lýsa ýmsum þáttum sem snerta gæði umhverfisins. Það minnti mig á hugleiðingar sem ég fór í gegnum fyrr á árinu eftir málþing Skipulagsstofnunar sem fjallaði um íbúasamráð.

Einar E. Sæm

landslagsarkitekt FÍLA