Stjórnlagaráð

Meira um mannhelgi og friðhelgi


*Ég vil sjá stjórnarskrá íslenska lýðveldisins styðja alla þegna sína til algjörra yfirráða yfir eigin orkusviðum og að stjórnarskráin lýsi því yfir að svo sé. Að einstaklingar, fyrirtæki og stofnanir geti ekki gefið sér eða sótt um einkaleyfi á orkueiginleikum eða erfðaeiginleikum sem sótt hefur verið inn í orkusvið fólks og sett í hugbúnaðarbúning undir heitinu „Rights of reverse engineering“.

*Orkueiginleikarnir og erfðaeiginleikarnir sem sóttir hafa verið með wi-fi tækni, rafrænni og stafrænni vöktun eða gervihnattavöktun án vitundar eða yfirlýsts samþykkis og í algjörri óþökk eiganda orkusviðs eða orkusviða á aldrei að geta orðið lögvarin eign geranda eða gerenda og þeir eiga aldrei að öðlast nýtingarrétt, höfundarrétt eða umráðarétt yfir því sem fengið er með glæpsamlegu athæfi og stuldi á þessum sviðum. Heldur á það að vera skýrt og greinilegt í stjórnarskrá íslenska lýðveldisins, að þannig athæfi brjóti á mannhelgi og friðhelgi orkusviða mannsins sem sé refsivert og saknæmt athæfi.

*Séu hugbúnaðarlausnir hugbúnaðarfyrirtækjanna í heiminum í dag á borð við „Skýið“ sótt inn í orkusvið mannsins í formi mannlegra rafeinda þá eru hugbúnaðarfyrirtækin klárlega orðin brotleg við lög um mannhelgi og friðhelgi fólks. Ég er hrædd um að hættuleg þróun sé orðin að veruleika. Það er auðvelt að afvegaleiðast og telja að þetta sé eðlileg þróun, nýsköpun eða snilld. Það er það ekki. Þetta er hnignun í siðferði mannsins. Því skiptir mannréttindakaflinn í stjórnarskrá íslenska lýðveldisins afar miklu máli. Fólk sem ekki vill láta ræna sig veraldlegum eigum sínum hlýtur að skilja að það sama gildir um andlegar eigur. Siðblint fólk skilur hins vegar hvorugt.

*Getið þið sagt mér hvar ég get séð það skýrt í mannréttindakaflanum að mannhelgi mín og orkusviða minna sé varin gegn hvers kyns brotum af því tagi er ég hef verið að lýsa?

*Eru orkusvið mannsins eign hvers einstaklings eða eru þau orðin í huga fólks almenningseign sem allir mega vaða inn í að vild með réttum tækjabúnaði og hugbúnaði? Eða eru þau eign stjórnvalda? Mega stjórnvöld véla með orkusvið þegna sinna? Ég vil því sjá orkusvið mannsins gerð friðhelg fyrir afskiptum stjórnvalda. Að spilltir stjórnmálamenn og/eða embættismenn geti undir engum kringumstæðum vélað með orkusvið Íslendinga með leynilegum aðgerðum eða samningum vegna þrýstings frá einstaklingum, fyrirtækjum eða stofnunum sem telja sig hafa hagsmuna að gæta og vísa í „Rights of reverse engineering“ sem löglegri leið til að versla og höndla með afrakstur þess sem sótt hefur verið með stuldi inn í orkusvið mannsins eins og áður er lýst.

Sendandi: Elín Guðmundardóttir