Stjórnlagaráð

Tillaga: Stjórnlagaþing á eitt að geta breytt stjórnarskránni í framtíðinni, ekki Alþingi. Til kosninga stjórnlagaþings á að boða með meirihluta Alþingis eða með undirskriftasöfnun 1/3 hluta kosningabærra manna.

Réttlæting: Stjórnmálamenn eiga ekki að setja sér „leikreglurnar“ sjálfir. Stjórnlagaþingi var ætlað að gera uppkast að nýrri stjórnarskrá. Við eigum að halda áfram á þeirri braut og setja breytingar á stjórnarskránni algjörlega í hendur á stjórnlagaþingi. Alþingi hefur aldrei getað komið sér saman um raunhæfar breytingar á núverandi stjórnarskrá í þau 60 ár sem hún hefur verið í gildi, nema vegna kosningakerfis og mannréttindakaflann 1995. Núverandi tillögur Stjórnlagaráðs um að það sé í höndum Alþingis að gera breytingar á stjórnarskránni eru afturför frá því sem Alþingi þó sjálft lagði af stað með þegar ákvarðað var að boða til kosninga stjórnlagaþings, þó það hafi aðeins átt að vera ráðgefandi.