Fjármál stjórnmálaflokka

G. Valdimar Valdemarsson
  • Heimilisfang: Sunnubraut 38 Kópavogi
  • Skráð: 01.07.2011 12:27

Er ekki þörf á því að gera þá kröfu til stjórnmálasamtaka sem bjóða fram til Alþingis eða sveitarstjórna að eiginfjárstaða samtakanna sé jákvæð?

Það er ákveðin hætta á því að samtök sem eru með viðvarandi neikvæða eiginfjárstöðu missi sjálfstæði sitt til ákvörðunartöku að hluta eða öllu leyti.

Skuggastjórnendur eru þekkt hugtak í viðskiptalífinu og ég tel ekki síður hættu á að skuggastjórnendur finnist í stjórnmálum dagsins í dag. Stjórnmálaflokkur sem á líf sitt og starfsemi að hluta eða öllu leyti undir velvild lánardrottna er varla fær um að taka hlutlægt á málum.

Ég legg því til að í kaflanum um kosningar til Alþingis og alþingismenn punktur 2 verði bætt ákvæði um að stjórnmálasamtök sem hafa verið með neikvæða eiginfjárstöðu samfellt í t.d. 3 ár fái ekki að bjóða fram.

 

Ummæli

Störf Stjórnlagaráðs fara fram fyrir opnum tjöldum og við bjóðum öllum sem fylgja samskiptasáttmálanum að setja inn ummæli á vefinn.

Markmið umræðukerfisins er að bjóða upp á málefnalega og uppbyggjandi umræðu. Ærumeiðandi og óvægin ummæli í garð einstaklinga og þrálátar rangfærslur verða fjarlægð.

Samskiptasáttmáli Stjórnlagaráðs
  1. Við fögnum uppbyggilegri rökræðu en líðum ekki persónulegar árásir né misnotkun á umræðukerfinu.
  2. Við hvetjum til gagnrýnnar og upplýsandi umræðu forðumst gífuryrði og leggjum ekki öðrum orð í munn.
  3. Við notum einföld en skýr skilaboð og virðum skoðanir annarra.
  4. Allar athugasemdir sem endurspegla fordóma í garð einstaklings eða hópa verða fjarlægðar.
  5. Við áskiljum okkur rétt til að loka á notendur eftir tvær viðvaranir og þriðja brot á þessum sáttmála.

Þessi vefur er sameign okkar sem höfum áhuga á umræðu um málefni stjórnarskrár Íslands. Það er nýmæli að bjóða upp á opna umræðu af þessu tagi við mótun opinberra skjala og við vonumst til að þessi vefur verði skref í rétta átt í þróun umræðuhefðar á netinu.

Vinsamlega tilkynnið brot á sáttamálanum til umraeda@stjornlagarad.is.