Stjórnlagaráð

Ég er búinn að hlusta vel á 14. fundinn. Þar er rætt um stjórnarmyndun.

Ég minni á að við kusum 63 menn til að vera fulltrúar okkar við landstjórn sem við köllum Alþingi.
Það er talað um að mynda „ríkisstjórn“ sem er safn eins konar verkstjóra ýmissa málaflokka sem Alþingi myndar og eru kallaðir ráðherrar í stað þess að þeir ættu að heita framkvæmdastjórar þar sem þeir lúta ALÞINGI.

Ég mæli með því að þessir framkvæmdastjórar (ráðherrar) verði einfaldlega kosnir af Alþingi. Myndaður er listi þeirra sem stungið er upp á og gefa kost á sér. Fyrst er forsætisráðherra kosinn af þessum lista í tveimur umferðum, fyrst er kosið um allan listann og síðan um þá tvo sem flest atkvæði hljóta. Síðan eru nýir listar myndaðir og aðrir ráðherrar kosnir með sama hætti.  Þetta er ráðherrahópur (framkvæmdastjórar) Alþingis. (Þetta er ekki ráðherrahópur forsætisráðherra, heldur Alþingis.) Ef breyta á um ráðherra er sá nýi kosinn með þessum hætti af öllum alþingismönnum.