Stjórnlagaráð

Stjórnsýsla/sýslumenn

Ef ég skil stjórnsýsluna rétt þá eru sýslumenn „verktakar“ hjá ríkinu. Þiggja hlutdeild í því sem innheimt er, gefa út vegabréf og annað – það er hagur sýslumanna að innheimta grimmt.

Mér finnst afstaða þessara embætta einkennast af lélegri þjónustu og pólitískri skoðun á því hvað einkaaðilar eigi að gera og hvað er upplýsingaskylda. Ég er í ferli núna með að stofna félag hjá sýslumanni. Pólitísk skoðun (attitude) kemur í ljós í því að þegar þú ert afgreiddur þá er þér bent á að nota fagaðila (lögfr./endursk.) til að stofna félög. Afsökunin er sú að sýsl. vill ekki „skrifa samninga“ fyrir fólk. En mér finnst embættið draga taum einkareksturs.

Mér er spurn, er það ekki arfur frá konungsveldinu að sýslumenn séu í verktöku hjá ríkisvaldinu?

Þarf ekki að tryggja í stjórnarskrá að sýslumenn séu í þjónustu við fólkið frekar en draga taum konungs og einkareksturs?

Þarf ekki að tryggja að eðli embætta sé „af fólkinu og fyrir fólkið“? Rekið af því sjálfu? Frekar en umboðsmanni konungs?

Mér finnst að stjórnarskrá eigi að taka á því hvernig valdinu er komið fyrir – þá í samræmi við þrískiptingu og lýðræði. Taka af vafa um að „kóngurinn er dauður“ og fólkið tekið við.