Stjórnlagaráð

Komið þið sæl og blessuð.

Mínar hugsanir snúast um siðfræði og uppeldi í þessu landi okkar. Við erum og tilheyrum hinum kristna heimi og náin tengsl við Norðurlöndin en þar er hin evangelíska kirkja þjóðkirkja. Kristni hefur fylgt okkur í yfir þúsund ár og þær innprentaðar í þjóðarsálina.

Ég bið um að þessari umræðu verði sýnd sú virðing að þó að ákv. hópur láti mikið í sér heyra og vilji ekki minnast á orðið þjóðkirkja eða kristni þá er mikill meirihluti sem vill kirkjuna sína og játar kristna trú.

Að lokum vil ég biðja ykkur háttvirtu stjórnlagaráðssmenn að kynna ykkur vel starf kirkjunnar ykkar því að þar fer fram að ég hygg miklu meira starf en ykkur grunar.

Ég bið því að þetta mál verði skoðað með hagsmuni þjóðarinnar og barnanna okkar  að leiðarljósi. Við erum með innprentuð kristin gildi og þau bjóða upp á tillitssemi, virðingu fyrir lífi annarra , samúð og kærleika.

Virðingarfyllst.
Skrifað í Winnipeg 13. júní 2011
Jónas Þórir