Þjóðaratkvæðagreiðsla - auglýsingar

Eva G. Þorvaldsdóttir
  • Skráð: 10.06.2011 09:42

Kæra Stjórnlagaráð.

Ég vil byrja á því að þakka ykkur fyrir merkilega opin samskipti og vandaða umræðu. Nokkur skrif hafa verið um þjóðaratkvæðagreiðslu og vil ég í því sambandi vekja athygli á mátt auglýsinga. Hætta er á að ákveðnir þjóðfélagshópar sjái sér hag í að biðja um þjóðaratkvæði og síðan skipuleggja svokallaða auglýsingaherferð sem ef til vill er ekki til heilla fyrir almenning. Ég legg til að stjórnlagaráðsmenn íhugi vel kröfur til þjóðaratkvæðagreiðslu til að mynda að hefta auglýsingar en hvetja fremur til opinberrar umræðu og rökræðu um þjóðaratkvæðismálið. Afar mikilvægt er að þjóðaratkvæðismálið sé vel skilgreint, hvaða áhrif það hafi á núverandi lög og hvers vegna það sé til hagsbóta fyrir almenning á Íslandi.

Reykjavík, 8. júní 2011

Eva G. Þorvaldsdóttir

Ummæli

Störf Stjórnlagaráðs fara fram fyrir opnum tjöldum og við bjóðum öllum sem fylgja samskiptasáttmálanum að setja inn ummæli á vefinn.

Markmið umræðukerfisins er að bjóða upp á málefnalega og uppbyggjandi umræðu. Ærumeiðandi og óvægin ummæli í garð einstaklinga og þrálátar rangfærslur verða fjarlægð.

Samskiptasáttmáli Stjórnlagaráðs
  1. Við fögnum uppbyggilegri rökræðu en líðum ekki persónulegar árásir né misnotkun á umræðukerfinu.
  2. Við hvetjum til gagnrýnnar og upplýsandi umræðu forðumst gífuryrði og leggjum ekki öðrum orð í munn.
  3. Við notum einföld en skýr skilaboð og virðum skoðanir annarra.
  4. Allar athugasemdir sem endurspegla fordóma í garð einstaklings eða hópa verða fjarlægðar.
  5. Við áskiljum okkur rétt til að loka á notendur eftir tvær viðvaranir og þriðja brot á þessum sáttmála.

Þessi vefur er sameign okkar sem höfum áhuga á umræðu um málefni stjórnarskrár Íslands. Það er nýmæli að bjóða upp á opna umræðu af þessu tagi við mótun opinberra skjala og við vonumst til að þessi vefur verði skref í rétta átt í þróun umræðuhefðar á netinu.

Vinsamlega tilkynnið brot á sáttamálanum til umraeda@stjornlagarad.is.