Stjórnlagaráð

Ágæta Stjórnlagaráð.

Margir vilja auka aðkomu kjósenda að löggjafarvaldinu. Forseti hefur skilgreint þjóðina sem sérstakan löggjafa. Ég vil biðja Stjórnlagaráð um að íhuga að koma á fót blöndu af beinu lýðræði og fulltrúalýðræði.

Alþingi, allra kjósenda, fari með löggjöf. Allir kjósendur hafi atkvæðisrétt í öllum málum. En hver kjósandi veitir fulltrúum umboð fyrir atkvæðisrétti sínum með kosningum til fulltrúaþjónustu (löggjafarvalds) á 4 ára fresti. Í hverju máli á Alþingi getur kjósandi tekið umboð sitt til baka og kosið. Séu komin nægjanlega mörg samhljóða atkvæði, að þau jafnist á við heilt þingsæti, þá missir sá þingmaður sem síðastur fékk umboð sitt atkvæðisrétt sinn.

Í flestum tilfellum munu allir þingmenn vafalaust halda sínum atkvæðisrétti, en komi upp hitamál þá getur almenningur strax tekið í tauma og kosið skv. sínum vilja, og þar með afturkallað umboð sitt í því máli. Kjósendur geta því haft þjóðaratkvæðagreiðslu um hvert mál, sé viljinn fyrir hendi.

Hér þarf að sjálfsögðu að notast við tölvutæknina.

Mig grunar sterklega að þessi hugmynd verði ekki að veruleika, en ég vona að Stjórnlagaráð geti með einhverju móti stuðlað að rafrænum þjóðaratkvæðagreiðslum. Það mun verða lýðræðinu til framdráttar.

Einnig vona ég að kosningar verði ávallt forgangskosningar og leitast verði til að finna sem best út vilja kjósenda, líkt og gert var við stjórnlagaþingskosningarnar.

Vegni ykkur vel.