Stjórnlagaráð

Fyrir meira en þúsund árum færðu menn almenna mannasiði í bundið mál í Hávamálum og hefur ekki þurft miklu við að bæta síðan.

Mér hefur dottið í hug að vel færi á að stjórnarskrá væri meitluð í orð á svipaðan hátt.

Þetta mætti gera þannig að fyrst yrði gerður texti og samþykktur í löglegu ferli eins og til stendur. Síðan mætti fá orðsins snillinga til að lýsa megininntaki hverrar greinar skrárinnar í örfáum (3-7) erindum.

Þessi ljóð stæðu framan við hverja grein í endanlegu skjali. Ef vel tækist til mætti svo kenna öllum börnum landsins þessi ljóð í skólum.

Í framhaldi af þessu mætti síðan hugsa sér að fá tónsnillinga til að gera lög við ljóðin.

Að lokum yrðu síðan fengnir myndlistarmenn til að gera skúlptúra á Austurvelli, einn fyrir hverja grein, þar sem ljóðin ásamt öllum textanum yrðu meitluð í stein.

Virðingarfyllst,
Gunnar Pálsson