Um undirskriftasöfnun fyrir þjóðaratkvæðagreiðslur

Örn Sigurðsson
  • Heimilisfang: Miðbraut 12
  • Skráð: 11.04.2011 10:46

Ég er hlynntur því að ákveðinn hluti kosningabærra þegna geti knúið fram þjóðaratkvæðagreiðslu um lög sem eru samþykkt af Alþingi.

Mér þykir eðlilegt að ákveðnar reglur gildi um slíka undirskriftasöfnun og að um slíka söfnun gildi sambærileg formfesta og gildir um hefðbundnar kosningar. Ef til vill að gerð yrði sú krafa að maður þurfi að fara á ákveðna (sýslumanns?) skrifstofu, sýna þar skilríki áður en nafn er ritað á þar til gerðan lista.

Í stuttu máli: Það ætti að vera álíka krefjandi fyrir kjósanda að setja nafn sitt á undirskriftalista og það er fyrir hann að kjósa í almennum kosningum.

Kær kveðja,
Örn Sigurðsson

ps. Mikið er ég ánægður að þessi vinna við endurskoðun stjórnarskrárinnar skuli vera komin þetta vel af stað.

Ummæli

Störf Stjórnlagaráðs fara fram fyrir opnum tjöldum og við bjóðum öllum sem fylgja samskiptasáttmálanum að setja inn ummæli á vefinn.

Markmið umræðukerfisins er að bjóða upp á málefnalega og uppbyggjandi umræðu. Ærumeiðandi og óvægin ummæli í garð einstaklinga og þrálátar rangfærslur verða fjarlægð.

Samskiptasáttmáli Stjórnlagaráðs
  1. Við fögnum uppbyggilegri rökræðu en líðum ekki persónulegar árásir né misnotkun á umræðukerfinu.
  2. Við hvetjum til gagnrýnnar og upplýsandi umræðu forðumst gífuryrði og leggjum ekki öðrum orð í munn.
  3. Við notum einföld en skýr skilaboð og virðum skoðanir annarra.
  4. Allar athugasemdir sem endurspegla fordóma í garð einstaklings eða hópa verða fjarlægðar.
  5. Við áskiljum okkur rétt til að loka á notendur eftir tvær viðvaranir og þriðja brot á þessum sáttmála.

Þessi vefur er sameign okkar sem höfum áhuga á umræðu um málefni stjórnarskrár Íslands. Það er nýmæli að bjóða upp á opna umræðu af þessu tagi við mótun opinberra skjala og við vonumst til að þessi vefur verði skref í rétta átt í þróun umræðuhefðar á netinu.

Vinsamlega tilkynnið brot á sáttamálanum til umraeda@stjornlagarad.is.