Stjórnlagaráð

Rætt hefur verið að þingmenn kalli inn varamenn sína ef þeir verða ráðherrar. Þetta fyrirkomulag held ég að geti stuðlað að kröftugu (tvíefldu) „kjördæmapoti“ flokks í því kjördæmi sem ráðherra kemur frá. Engu að síður er ég sammála því að ráðherra verði ekki jafnframt þingmaður. Líst helst á að kjörnir þingmenn verði undir engum kringumstæðum ráðherrar. Þau sem taka að sér starf ráðherra afsali sér jafnframt kjörgengi í næstu kosningum. Þannig verði komið í veg fyrir að ráðherrastóllinn verði notaður sem stökkpallur inn á þing með tilheyrandi hygli væntanlegs kjördæmis. Vænti þess að þetta stuðli að því að menn bjóði sig fram til þings af hugsjón fyrir bættu þjóðfélagi frekar en von um vegtyllu í formi ráðherrastóls. Sannfærður um að þetta stuðli með öðrum umbótum að virðingu fyrir Alþingi.